काँग्रेसको १४औं महाधिवेशन विधिवत् रुपमा सुभारम्भ, ८६ ओटा होटल बुकिङ, १० हजार झण्डा पोलमा राखिने

काठमाडौँ । नेपाली काँग्रेसको १४ औं केन्द्रीय महाधिवेशन आज बाट काठमाडौंमा शुरु भएको छ ।

काँग्रेसका प्रवक्त एवं नेता विश्वप्रकाश शर्माले काठमाडौं जिल्ला सचिव गोबिन्द पुडासैनीलाई झण्डा हस्तान्तरण गरेर महाधिवेशको सुभारम्भ गरिएको हो । शर्माले सचिव पुडासैनीलाई चार तारे झन्डा रुख अकित ब्यानर हस्तान्तरण गर्दै विधिवत रुपमा महाधिवेशन सभारम्भ भएको घोषणा गरेका हुन ।

काँग्रेसको महाधिवेशन यही मंसिर २४ गतेदेखि सुरु हुदै छ । महाधिवेशनमा भाग लिन काठमाडौँ आएका महाधिवेशन प्रतिनिधि बस्नका लागि तीन ठाउँमा होटल बुकिङ गरिएको छ । राजधानीको सुन्धारा, ठमेल र गौशालामा प्रतिनिधिलाई बस्ने व्यवस्था गरिएको हो । हालसम्म तीन हजार ८०० प्रतिनिधिका लागि ८६ होटल बुकिङ गरिएको आवास तथा भोजन समितिका संयोजक एवं कांग्रेस केन्द्रीय सदस्य सुरेन्द्र पाण्डेले जानकारी दिएका छन ।

महाधिवेशनमा चार हजार ७०० प्रतिनिधि सहभागी हुने उनको भनाई छ । यस्तै महाधिवेशनका लागि स्वागतद्वार तथा श्रङ्गारको जिम्मेवारी पाएका कांग्रेस काठमाडौँका सचिव गोविन्द पुडासैनी संयोजकत्वको उपसमितिले कोटेश्वर, त्रिभुवन अन्तर्राष्ट्रिय विमानस्थल, गौशाला, माइतीघर मण्डला, त्रिपुरेश्वर, थापापली, कालिमाटी, त्रिचन्द्र कलेज, बागबजार, सिंहदरबार, महाराजगञ्ज, बल्खु, बालाजु क्षेत्रमा ठूला १४ स्वागतद्वार बनाउन सुरु गरेको छ ।

यसबाहेक महाधिवेशनस्थल भृकुटीमण्डप वरपर झण्डै १० स्वागतद्वार बनाइने छ । महाधिवेशनको उद्घाटन मङ्सिर २४ गते दिउँसो १ बजे भृकुटीमण्डपमा हुने र हलमा बन्द सत्र हुनेछ ।